पालिकाबाहेक सबै अधिवेशन दसैँपछि

सरकारमा पौडेल पक्षले खोज्यो हिस्सा

उज्यालो रैबार   ।   २०७८ आश्विन ७, बिहीबार ०८:५७

नेपाली कांग्रेसको १४औं महाधिवेशनअन्तर्गत तल्लो तहको अधिवेशन कार्यतालिका फेरि प्रभावित भएको छ। एक दर्जन जिल्लामा अझै क्रियाशील सदस्यता विवाद टुंगो लाग्न नसक्दा पूर्वर्निधारित कार्यतालिका पूरै प्रभावित भएको हो।

दसैंअघि नै केन्द्रीय र प्रदेशबाहेक सबै अधिवेशन सक्नेगरी कार्यतालिका सार्वजनिक भए पनि बुधबार बसेको पदाधिकारी र पूर्वपदाधिकारी बैठकले स्थानीय ९पालिका० तहबाहेक तल्लो तहका अधिवेशन दसैंपछि गर्ने समझदारी गरेको छ।

असार ९ गतेका लागि तोकिएको पालिका अधिवेशनचाहिँ नरोक्ने समझदारी बनेको छ। बाँकी जिल्लाको क्रियाशील सदस्यता टुंगो लगाउने र दसैँअघि सबै जिल्लाले वडा र स्थानीय तहको अधिवेशन सम्पन्न गर्ने सहमति भएको जानकारी नेता रामचन्द्र पौडेलले दिए। ‘अब दसैंअघि पालिका अधिवेशनमात्रै हुन्छ,’ उनले भने, ‘बाँकी त्यसपछि हुन्छ।’ पालिका तहको अधिवेशन असोज ९ गतेबाट सुरु हुने भए पनि आफ्नो अनुकूल जिल्लाहरुले मिति तलमाथि गर्नसक्ने भएका छन् ।

नेता पौडेलसहित संस्थापन इतर समूहले सबै जिल्लाको वडा अधिवेशन सकिएपछि मात्र पालिकाको अधिवेशन गर्नुपर्ने अडान राखे पनि संस्थापन पक्षले अस्वीकार गरेको स्रोतको दाबी छ। तर उनीहरुकै मागअनुसार प्रदेश निर्वाचन क्षेत्र, प्रतिनिधिसभा निर्वाचन क्षेत्र र जिल्ला अधिवेशन कार्यतालिका चाहिँ संशोधन गर्ने सहमति भएको हो।

ती अधिवेशन कहिले गर्ने भन्ने मिति भने तोकिएको छैन। पछिल्लो कार्यतालिकामा असोज ५ गते बाँकी वडा अधिवेशन, ९ गते पालिका, १२ गते प्रदेशसभा निर्वाचन क्षेत्र, १५ गते प्रतिनिधिसभा निर्वाचन क्षेत्र र १८ गते जिल्ला अधिवेशन गर्ने उल्लेख थियो। असोज ९ गतेका लागि तय भएको पालिका अधिवेशन तोकिएकै मितिमा गर्ने सहमति भएको बताउँदै पार्टी प्रवक्ता विश्वप्रकाश शर्माले भने, ‘कार्यतालिका परिमार्जनबारे प्रस्ताव आएका छन् निर्णय भइसकेको छैन।’

सरकारमा पौडेल पक्षले खोज्यो हिस्सा

बैठकमा मन्त्रिपरिषद् विस्तारमा भइरहेको ढिलाइप्रति संस्थापन इतर पक्षले असन्तुष्टि जनाएको थियो। आफ्नो पक्षको सहभागिता र सल्लाहबिना नै किन मन्त्रिपरिषद् विस्तार गरेको भन्दै नेता पौडेलले प्रधानमन्त्री एवं पार्टी सभापति देउवासँग प्रश्न गरेका थिए । त्यसपछि बैठकमा केही समय भनाभन भएको थियो । देउवाले गठबन्धन दलबीचा मन्त्रालय बाँडफाँट र संख्याको टुंगो नलागेको जनाएका थिए । अत्यावश्यक भएकाले परराष्ट्रमन्त्री नियुक्त गरेको उनले बताए। उनले मन्त्रालयको टुंगो लागेपछि दलभित्र सल्लाह गर्ने पनि बताएका थिए।

बैठकमा जानुअघि संस्थापन इतर पक्षका नेताहरु महामन्त्री शशांक कोइरालाको निवासमा भेला भएका थिए । सभापति देउवाले पेल्दै गएको भन्दै कोइराला निवासमा सहभागीले पार्टीको सबै तहको अधिवेशन एकैसाथ गर्नुपर्ने अडान राख्नुपर्ने धारणा राखेका थिए।

Leave a Reply

Your email address will not be published. Required fields are marked *

Next Post

एकीकृत समाजवादीको महासचिवमा प्रकाश ज्वालाको दाबी

२०७८ आश्विन ७, बिहीबार ०८:५७
७ असोज, काठमाडौं । नेकपा एकीकृत समाजवादीले आज पार्टीको महासचिव, स्थायी कमिटी, पोलिटव्युरो र केन्द्रीय कमिटीका सदस्यहरु टुंगो लगाउँदै छ, जसमा कर्णाली प्रदेश इञ्चार्ज  प्रकाश ज्वालको पनि दाबी रहेको छ । महासचिवमा अन्य डा. वेदुराम भुसालको सम्भावना रहेको स्रोतले जनाएको छ । महासचिवका लागि प्रकाश ज्वालासँगै डा.वेदुराम भुसाल, मुकुन्द न्यौपाने, […]

सम्बन्धित समाचार