सुर्खेत, ५ कार्तिक । समाजसेवी किरण मानन्धरले साझा घर नेपाललाई सहयोग गरेका छन् ।
काठमाण्डौं स्थाई घर भएका मानन्धर लण्डनमा व्यवसाय गर्दै आएका छन् । बेसाहारा नागरिकलाई सेवा गर्दै आइरहेको वीरेन्द्रनगर –९ स्थित साझा घर नेपाललाई मानन्धरले दुई लाख नगद सहयोग गरेका हुन् ।
घरभाडा र खाद्यान्नको अभाव झेल्दै आएको साझाघरलाई उनले सहयोग गरेपछि साझा घरले पुनः जन्म पाएको साझा घर नेपालका सेवक तपेन्द्र विकले बताए ।
मानन्धरका भाई वीरेन्द्र मानन्धर, जितेन्द्र मानन्धरले संयुक्त लगानीबाट लण्डनमा मानन्धर ब्रोस लिमिटेड द्वारा सञ्चालित टिए ग्रेट नेपलिज रेष्टुरण्ट सञ्चालन गरेका उनीहरु विगतदेखि नै सामाजिक सेवा गर्दै आएका छन् ।
मिडियामा साझा घर अप्ठेरोमा परेको खबर थाहा पाएपछि आफुले सहयोग गरेको बताए । उनका बुवा गोपाल मानन्धरको समाजसेवाबाट प्रभावित भई आफुहरु पनि विगत केही वर्षदेखि सामाजिक सेवामा सक्रिय रहेको मानन्धरको भनाई छ ।
