सुर्खेत ः “आयूवेद विकासको आधार, जनशक्ति विकाश र पुर्वधार” भन्ने मुलनाराका साथ धन्वन्तरी जयन्ती तथा राष्ट्रिय आरोग्य दिवशको अवसरमा स्वास्थ्य सेवा निर्देशनालय सुर्खेतले अनाथ बालवालिकालाई न्यानो कपडाको साथै अत्यावश्यक आयूवैद औषधि वितरण गरेको छ ।
चिसो बढेसँगै सुर्खेतको साझा घरमा रहेका ९६ जना अनाथ बालवालिकालाई न्यानो कपडा वितरण गरिएको हो ।
चिसो मौसमका कारण बालबालिकालाई प्रतिकूल असरबाट जोगाउन न्यानो कपडा र आयूवैद औषधी वितरण गरिएको स्वास्थ्य सेवा निर्देशनालय प्रमुख डा.रविन खड्काले बताए । खड्काले उक्त संस्थाका अध्यक्ष भिम बहादुर विश्वकर्मालाई सामाग्री हस्तानतरण गरेका हुन । साथै उत्त कार्यक्रममा सामाजिक विकाश मन्त्रालयका चिकित्सा महाशाखा प्रमुख डा. लक्ष्मीनारायण तिवारी, जनस्वास्थ्य सेवा कार्यालय प्रमुख चेतननिधि वाग्ले, प्रदेश आयूवैद औषधालयका प्रमुख डा. शंकर प्रसाद रिजाल र WHO प्रतिनिधि प्रदिप अधिकारी लगायतको सहभागिता रहेको स्वास्थ्य सेवा निर्देशनालयका आयूवैद तथा वैकल्पिक चिकित्सा शाखा प्रमुख पुष्पा आचार्यले वताइन ।
