सुर्खेत । संयुक्त व्यवसायी प्यालन बनाएर चुनावी मैदानमा उत्रिएका अध्यक्षका उम्मेद्वार लक्ष्मण कँडेलको प्यानलले प्रतिवद्धतापत्र सार्वजनिक गरेको छ । सुर्खेत उद्योग बाणिज्य संघको कार्यालयमा मनोनयन दर्तापछि कँडेलको प्यानलले निर्वाचितपछि आफ्नो टिमले गर्ने कामहरुको फिरहस्ती सार्वजनिक गरेका हुन् ।
यो पनि पढ्नुहोस् सुर्खेत वाणिज्यको नयाँ नेतृत्वका लागि खड्का र कँडेलको प्यानल चुनावी मैदानमा
कँडेलले प्रतिवद्धतापत्रमा ६ वटा विषय उठान गरेका छन् । उनले उद्योग वयवसाय प्रवद्र्धन, सहयोग तथा परामर्श, सामाजिक सुरक्षा, पर्यटन, औद्योगिक क्षेत्र पूर्वाधार विकास र सामाजिक उत्तरदायित्वका विषयलाई समेटेका छन् । यस्तै, उत्पादन र रोजगार, प्रविधिमैत्री शहर र प्रविधिमैत्री कार्यालय तथा कृषि, पशु बजारीकरण र जुडिबुटी प्रवद्र्धनका विषयलाई स–व्याख्या प्रतिवद्धता पत्रमा उल्लेख गरेका छन् ।
सुर्खेत उद्योग वाणिज्य संघ सम्पूर्ण उद्योगी, व्यवसायीहरुको हकहितको संरक्षण, सम्वर्द्धन तथा सम्बोधन गर्ने साझा संस्था हो । चार दशक लामो इतिहास बोकेको यस संस्थाले यहाँका व्यवसायीहरुको हित प्रवर्द्धनलाई नै मुख्य उद्देश्य बनाएको छ । गरिमामय इतिहासलाई जोगाउँदै संघलाई यहाँसम्म ल्याउन योगदान गर्ने सम्पूर्ण अग्रजहरूप्रति हामी हार्दिक कृतज्ञता र आभार प्रकट गर्दछौ । संघको पहिलो काम व्यवसायीहरूको हकहित संरक्षण गर्नु हो । यो सँगै जिल्लाको आर्थिक समृद्धिमा पनि सहयोगी भूमिका खेल्नु हो ।
संघले सार्वजनिक सरोकारका विषय, आर्थिक समृद्धि र विकासका महत्वपूर्ण कामहरूमा विगतदेखि नै अग्रणी भूमिका खेल्दै आएको छ । कोभिड(१९ महामारीको प्रकोपपछि यतिबेला आर्थिक क्षेत्र संकटग्रस्त अवस्थाबाट ग्रुजिरहेको छ । देशको समग्र आर्थिक सूचाङ्क नकारात्मक अवस्थामा छ ।
उद्योग व्यवसायमा देखिएको मन्दी र चर्को बैंक व्याजका कारण उद्योगी व्यवसायीहरू धरासायी अवस्थामा पुगेका छन् । यस्तो जटिल अवस्थामा हामी सुर्खेत उद्योग वाणिज्य संघको नेतृत्व चयनमा सहभागी हुँदैछौं । संघको आवधिक निर्वाचन यही २०७९ साल वैशाख ४ गते सम्पन्न हुन गइरहेको छ । कुनै पनि संस्थालाई गतिशील बनाउँदै यसको उद्देश्य पूरा गर्न सक्षम र सवल नेतृत्व आवश्यक पर्दछ । संघले एक पटक फेरि यस्तै गतिशील र सवल नेतृत्वसहितको टीम खोजेको अवस्थामा हामी संयुक्त व्यावसायिक प्यानलको तर्फबाट तपाईंहरूको माझ उपस्थित भएका छौं ।
व्यवसायीहरूको साझा प्रयत्नबाट मात्र हाल देखिएका अप्ठ्याराहरू समाधान गर्न सकिन्छ भन्ने हाम्रो मान्यता रहीआएको छ । व्यावसायिक संस्थाहरू साझा उद्देश्य हासिलका लागि स्थापना भएका हुन्छन् । यस्तो उद्देश्य हासिल गर्न साझा प्रतिबद्धताको खाँचो हुन्छ ।
संघलाई सबैको अपनत्व हुने गरी साझा संस्थाको रूपमा लैजानु पर्ने विगतका अनुभवले हामीलाई पाठ सिकाएको छ । हाम्रो टीम सहकार्य र सहअस्तित्वमा विश्वास गर्दछ । संघको गरिमामय इतिहास बनाउँदै उद्योगी व्यवसायीहरूको हकहितका लागि हामीले विगतमा गरेको योगदानको तपाईंहरू साक्षी हुनुहुन्छ ।
उद्योग व्यवसायमा देखिएका चुनौती र व्यवसायीहरुको पिरमर्कामा हातेमालो गर्न हामीले तपाईंहरूको साथ र समर्थन खोज्दै आइपुगेका छौं । आशा छ, यही वैशाख ४ गते हुने सुर्खेत उद्योग वाणिज्य संघको निर्वाचनमा हाम्रो संयुक्त व्यवसायी प्यानलको पक्षमा मतदान गरेर तपाईंहरूले सुर्खेत उद्योग वाणिज्य संघमा सवल नेतृत्व स्थापित गर्नुहुनेछ । हामी निम्न विषयमा प्रतिबद्धता जाहेर गर्न चाहन्छौं ।
क उद्योग व्यवसाय प्रर्वद्धन, सहयोग तथा परामर्श
कोभिड(१९ महामारीको प्रकोपपछि यतिबेला आर्थिक क्षेत्र संकटग्रस्त अवस्थाबाट ग्रुजिरहेको छ । उद्योग व्यवसायमा देखिएको मन्दी र चर्को बैंक व्याजका कारण व्यवसायीले अप्ठ्यारो स्थितिको सामना गरिरहेका छन् । आर्थिक मन्दीका कारण कतिपय व्यवसायलाई निरन्तरता दिन चुनौतीपूर्ण छ । बैंक व्याज, मूल्य अभिवृद्धि कर, व्यवसाय सञ्चालनका विविध कानूनी झमेलामा सहजीकरण गर्न निम्नलिखित प्रतिबद्धता जाहेर गर्न चाहन्छौं ।
१ बैंक तथा वित्तीय क्षेत्रबाट व्यवसायीहरूले लिएको ऋण तथा व्याजमा देखिएको समस्या समाधानका लागि पैरबी र सहजीकरण गरिनेछ ।
२ व्यवसायी आफैले आफ्नो लेखा प्रणाली दुरूस्त राख्न सक्ने गरी मूल्य अभिवृद्धि कर ९भ्याट० तथा अन्य कर सम्बन्धी प्रत्येक ६र६ महिनामा तालिम तथा अभिमुखीकरणको कार्यक्रमको व्यवस्थापन गरिनेछ ।
३ नेपाल सरकारको कर सम्बन्धी अज्ञानताका धेरै व्यवसायीहरूले अनाहकमा जरिवाना तिर्नुपर्ने अवस्था अझै पनि विद्यमान छ । व्यवसायीलाई कर सम्बन्धी जानकारी दिइ यस्तो अवस्था अन्त्य गर्न सुर्खेत उद्योग वाणिज्य संघमा निःशुक हेल्प डेस्कको स्थापना गरिनेछ ।
४ उद्यमी व्यवसायीहरूको साझा उद्देश्य प्राप्तीमा सहजीकरण गर्न सुर्खेत उद्योग वाणिज्य संघको कार्य क्षेत्र रहेको प्रत्येक पालिकासँग समन्वय गरी बजार व्यवस्थापन समिति गठन गरिने छ ।
५ साना तथा लघुउद्यमलाई बैकिङ्ग कर्जाको लागी सहजीकरण गरिनेछ ।
६ घरवहाललाई व्यवसायीमैत्री बनाउन घरधनी र व्यवसायीहरूबीच समन्वय गरिनेछ ।
७ व्यावसायिक सुरक्षा व्यवस्थापनका लागि पैरवी गरिनेछ । आवश्यकता अनुसार रात्रीकालीन व्यवसाय सञ्चालनका लागि सुरक्षाको प्रत्याभूतिको लागि सम्बन्धित निकायसँग समन्वय गरिनेछ ।
८ व्यवसाय सञ्चालनका लागि दक्ष जनशक्तिको अभावमा उद्योगी, व्यवसायीहरूले भोग्नु परेको समस्यालाई दृष्टिगत गरी जनशक्ति आपूर्तिमा सहजीकरण गरिनेछ । जसका लागि संघले आवश्यकता अनुसार तालिम र प्रशिक्षण सञ्चालन गरिनेछ ।
९ सुर्खेतमा राष्ट्र बैंकको कार्यालय स्थापना भएता पनि बैंकिङ्ग कारोबार नगरेको हुँदा सो बाट सिर्जित समस्या हल गर्न उक्त बैंकले बैंकिङ्ग कारोबार गर्ने वातावरण श्रृजना गरिनेछ ।
१० जिल्लामा अव्यवस्थित रूपमा रहेका पोके तथा घुमुवा व्यापारीहरुलाई व्यवस्थित गर्न प्रक्रिया अगाडि बढाइने छ ।
११ चोरी तथा लागूआषैधका घटनाहरुलाई न्यूनीकरण गर्न र व्यावसायिक सुरक्षाका लागि सुरक्षा निकायसँग विशेष पहल गरिनेछ ।
१२ आफूखुशी हुने मेला महोत्सवलाई नियन्त्रण गर्न कार्यविधि निर्माण भइसकेको छ । मेला महोत्सव लगाउँदा स्थानीय उत्पादन, स्थानीय व्यवसायी र स्थानीय बजार प्रवर्द्धन हुने मेला महोत्सवलाई मात्र प्रवर्द्धन गरिनेछ ।
१३ संघमा आवद्ध वस्तुगत समितिहरूलाई अझ बढी सशक्त र क्रियाशील बनाउन विधानमा थप व्यवस्था गरिनेछ ।
१४ वीरेन्द्रनगर बजार क्षेत्र र आसपासका क्षेत्रमा भइरहेको अघोषित लोडसेडिङ्ग, लो(भोल्टेज जस्ता विद्युतीय समस्याका लागि सम्बन्धित निकायसँग पैरवी र दवावलाई निरन्तरता दिइने छ ।
ख सामाजिक सुरक्षा स् व्यवसाय संरक्षण र सम्वर्द्धनका लागि व्यवसायीहरूको सामाजिक सुरक्षा अति आवश्यक विषय हो । दैवी विपत्ती र विविध कारणले पलायन भएका व्यवसायीहरूलाई राहत तथा व्यवसायी उपचार सहयोग अभियानजस्ता कार्यक्रम सञ्चालन गरेर अभिभावकत्व प्रदान गर्नु हाम्रो मुख्य ध्येय रहनेछ । जसका लागि तपसिल बमोजिमको कार्यक्रम सञ्चालन गरिनेछ ।
१ आगजनी लगायतका दैवी विपत्तीमा परेका व्यवसायीहरुको लागि होलसेल बीमाका साथै विविध कारणवश पलायन तथा विस्थापित भएका व्यवसायीहरुका लागि प्रदान गरिने राहत कोषलाई वृद्धि गरी रु एक करोड पुऱ्याइने छ । जसबाट आवश्यकता अनुसार राहत तथा सहयोग वितरण गरिनेछ ।
२ स्वस्थ व्यवसाय स्वस्थ व्यवसायी भन्ने ध्येयका साथ व्यवसायीहरूका लागि प्रत्येक ६र६ महिनामा विशेषज्ञसहितको स्वास्थ्य शिविर सञ्चालन गरिनेछ ।
३ आर्थिक अभावका कारण गम्भीर प्रकारका रोगको उपचारमा व्यवसायीहरूले भोग्नु परेको कठिनाईलाई सहज बनाउन आवश्यकता अनुसार उपचार सहयोग अभियान सञ्चालन गर्नेछ ।