सुर्खेत। रारा राष्ट्रिय म्युजिक अवार्ड–२०७९ का लागि अनलाइनबाट पनि फारम भर्न सकिने भएको छ। आगामी असोज महिनाकोअन्तिम साता काठमाडौँमा हुने अवार्डका लागि शनिबादेखि अनलाइनमार्फत पनि फारम भर्न सकिने व्यवस्था गरिएको हो ।
आयोजकले साउन १५ गतेदेखि भौक्तिक रुपमा फारम भर्ने सुचना निकालेको थियो। तर, शनिबारबाट सबै सहभागीलाई सहज तरिकाले फारम भर्नका लागि आयोजकले अनलाइन फारमको पहुँचको विस्तार गरेको जनाएको छ।
अवार्डका लागि सहभागीहरुले साउन मसान्तसम्म फारम भर्न पाउँने छन्। आयोजक संस्था कर्णाली कलाकार समाज रहेको छ। कर्णाली कलाकार समाजले समय अवधिभित्र फारम भरेर ‘रारा राष्ट्रिय म्युजिक अवार्ड २०७९’मा भाग लिन गीत, संगीतका विभिन्न विधामा आवद्ध सम्पूर्ण कलाकारहरुमा अनुरोध गरेको छ।
निष्पक्ष रूपमा आयोजना हुने यो अवार्डमा निर्णायक मण्डलको सहि मुल्यांकन एस.एम.एस भोटिङबाट आएको मतलाई ४० प्रतिशत मान्यता दिइने र ५० प्रतिशत निर्णायक मण्डलको र १० प्रतिशत आयोजकको निर्णय रहने समाजका अध्यक्ष पदम रोकायाले जानकारी दिए।
कार्यक्रममा सहभागि हुन ईच्छुक उपत्यका बाहिर रहेका श्रष्टाहरुले आफ्नो गीतको लिङ्कसँगै फारम चार्ज ईसेवा मोवाईल बैंकिङबाट पठाएर ‘रारा राष्ट्रिय म्युजिक अवार्ड २०७९’मा भाग लिन सकिने आयोजको भनाई रहेको छ।
यस्ता छन्, अवार्डका नियमहरू
एल्बम वा गीत २०७८ बैशाखदेखि २०७९ साउन महिना भित्र प्रकाशित भएका हुनुपर्ने छ।
अवार्डमा सहभागी हुनका लागि प्रति विधा एक हजार शुल्क लाग्ने छ।
अवार्डका नीति, नियमहरु आयोजकले निर्धारण गरे बमोजिम मान्य हुनेछ।
एस.एम.एस. भोटिङ्गबाट आएको मतलाई ४० प्रतिशत मान्यता दिईने छ भने ५० प्रतिशत निर्णायक मण्डलको र १० प्रतिशत आयोजकको निर्णय लागुहुने छ।
२०७९ श्रावण मसान्त भित्र बुझाईएका फर्महरु मात्र आधिकारिक मानिने छन्।
अवार्डमा सहभागि भईसकेपछि कुनै किसिमको बिवाद गर्न पाइने छैन्।
फारम भर्नका लागि लिंक
https://docs.google.com/forms/d/e/1FAIpQLSfdWpuh9jbqcKvNPZphlhBFvemRXMHRZ2T9DQCDcuMJOJ-iVw/viewform