कर्णाली प्रदेशसभाको दोस्रो कार्यकालको दोस्रो अधिवेशन आजबाट सुरु हुने भएको छ । पहिलो अधिवेशन बैशाख १७ गते अन्त्य भएको थियो ।
कर्णाली प्रदेश सरकारको यही जेठ ४ गतेको मन्त्रिपरिषद् बैठकको निर्णय अनुसार दोस्रो अधिवेशन आह्वानका लागि प्रदेश प्रमुखको कार्यालयमा सिफारिस गरेको थियो । सोही सिफारिस अनुसार कर्णाली प्रदेशका प्रमुख तिलक परियारले नेपालको संविधानको धारा १८३ को उपधारा १ बमोजिम आज दिउसो ३ः०० बैठक बस्ने गरी अधिवेशनको आह्वान गर्नुभएको हो ।
उक्त बैठकमा कर्णाली प्रदेश सरकारको आगामी आर्थिक वर्ष २०८०÷०८१ को नीति तथा कार्यक्रम, त्यसको सिद्धान्त तथा उद्देश्यमा रहेर बैठकमा छलफल हुने जनाइएको छ । प्रदेश प्रमुखको कार्यालयको अधिवेशन आह्वानको पत्र प्राप्त भएबमोजिम कर्णाली प्रदेशसभा नियमावली २०७९ को नियम ३ को उपनियम ९३० बमोजिम सबै सभा सदस्यहरुलाई आजको बैठकका लागि जानकारी गराईएको प्रदेशसभा सचिव जीवराज बुढाथोकीले जानकारी दिनुभयो ।
