सुर्खेत, २९ असोज । आन्तरिक राजस्व कार्यालय सुर्खेतमा विद्युतीय बाहेकका अन्य सेवा बन्द भएका छन् । कार्यालयका कर्मचारीलाई कोराना भाइरसको संक्रमण भएपछि सेवा बन्द गरिएको हो ।
कार्यालय बिहीबार एक सूचना जारी गर्दै अर्काे सूचना नआउन्जेल सम्मका लागि सेवा बन्द गरिएको जनाएको हो ।
‘कोरोना भाइरसको संक्रमण कार्यालयमा पनि देखा परेको हुँदा अन्य कर्मचारीको स्वाव संकलनको नतिजा नआएसम्म नेपाल सरकारको जनस्वास्थ्य तथा सुरक्षा सम्बन्धी मापदण्डलाई मध्यनजर गर्दै अत्यावश्कीय विद्युतीय सेवा बाहेकका अन्य सेवा बन्द गरिएको’ सूचनामा उल्लेख छ ।
साथै, राजस्व संकलनको सम्पूर्ण कार्य बैकिङ्ग प्रणालीबाट हुने भएकोले उक्त सेवा नियमित संचालन हुने र करदाताले विद्युतीय सेवाको वेवसाइटमा नियमित कामकाज गर्न सकिने सूचनामा जनाइएको छ ।
