सुर्खेत,१० पुस । विद्यालयमा गुनासो सुनुवाई कार्यविधि विषयक अभिमुखिकरण सम्पन्न गरिएको छ ।
सेभ द चिल्ड्रेनको सहयोग तथा मानव सैशाधन विकास केन्द्र कर्णाली प्रदेशको आयोजनामा सञ्चालन गरिएको दुई दिने अभिमुखिकरण शुक्रबार सम्पन्न गरिएको हो ।
अभिुखिकरणमा नेपालमा बालबालिकाको सुरक्षा तथा संरक्षण सम्बन्धि अवस्था, मुद्दा, नीतिगत व्यवस्था, विद्यालयमा गुनासो कार्यविधि २०७४ का प्रावधानका विषयमा छलफल गरिएको छ ।
यस्तै कर्णालीमा बाल अधिकारको सुरक्षा र संरक्षणको अवस्थाको समिक्षा तथा गर्न सकिने कार्ययोजना समेत निर्माण गरिएको छ ।
पुस ९ र १० गते सम्म चलेको अभिमुखिकरणमा शिक्षाविद्, बालबालिका, शिक्षक, नागरिक समाज, सञ्चारकर्मी र कर्मचारीको सहभागिता रहेको थियो ।