सुर्खेत,१२ पुष । दृष्टि विहिन नागरिकहरुको अवस्था र सवालहरुको विषयमा वीरेन्द्रनगरका जनप्रतिनिधि र कर्मचारीहरुलाई अभिमूखिकरण गरिएको छ ।
नेपाल नेत्रहीन संघ एनएबिडिएबी परियोजनाको आयोजनामा वीरेन्द्रनगरका जनप्रतिनिधि, कर्मचारी र सरोकारवालाहरु ल्गायत करिब ६० जना भन्दा बढी सहभागीहरुलाई नेपाल नेत्रहीन संघका केन्द्रिय सचिवालय सदस्य खोमराज शर्माले अभिमूखिकरण दिएको एनएबिडिएबी सुर्खेत परियोजनाका संयोजक रविन्द्र कुमार चन्दले जानकारी दिए ।
संयोजक चन्दका अनुसार परियोजनाले गमनसिलता, दैनिक हिंड्ने टेक्निक, इक्ससाइज, स्किीटा, सेतो छडी वितरण र यसको प्रयोग सम्बन्धि तालिम दिँदै आएको छ ।
यस्तै दृष्टि विहिनहरुको आर्थिकस्तर उकास्नका लागि बिउ पुजी कार्यक्रम, अनुदान लगायतका कुरामा सहयोग गर्दै आएको छ ।
अभिमुखिकरण कार्यक्रममा दृष्टि विहिनहरुको सवालमा आफुहरु पुर्णरुपमा काम गर्ने जनप्रतिनिधि र कर्मचारीले प्रतिवद्धता जनाएका छन् ।
