काठमाडौँ — प्रतिनिधिसभाको आइतबारलाई तोकिएको बैठक सोमबारका लागि सरेको छ । आइतबार बैठक बोलाइए पनि विशेष कारणले बस्न नसकेपछि सोमबार दिउँसो ३ बजे बस्नेगरी सारिएको संसद्ले जारी गरेको सूचनामा उल्लेख गरिएको छ ।
आइतबार १ बजेपछि सुरु हुने भनिएको बैठक सोमबार दिउँसो ३ बजेसम्मका लागि स्थगित भएको हो । आइतबार प्रधानमन्त्री पुष्पकमल दाहालको अनुरोधमा प्रतिनिधिसभाको आइतबार १ बजेका लागि बोलाइएको बैठक दिउँसो ३ बजेसम्मका लागि सरिएको थियो ।
प्रधानमन्त्री पुष्पकमल दाहालले दिएको अभिव्यक्तिलाई लिएर नेकपा एमालेले संघीय संसद्का दुवै सदनमा अवरोध गरिरहेको छ । एमालेले प्रधानमन्त्री दाहालले पदबाट राजीनामा दिनुपर्ने माग राखेर संसद् अवरोध गर्दै आएको हो ।
आज बस्ने भनिएको बैठकमा प्रधानमन्त्री पुष्पकमल दाहालले समसामयिक विषयमा वक्तव्य दिने सम्भावित कार्यसूची थियो ।