रुकुम पश्चिम। आँखा उपचार केन्द्र रुकुम पश्चिममा दुई दिने निःशुल्क आँखा अप्रेशन शिविर सुरु भएको छ । शिविरको पहिलो दिनमा चार सय ६१ जनाको आँखा जाँच सहित ८० जनाको सल्यक्रिया समेत भएको नेपाल नेत्र ज्योति संघ कर्णाली प्रदेश इनचार्ज मानबहादुर कुवरले जानकारी दिनु भएको छ । उहाका अनुसार शिविरमा मोतियाबिन्दु बाट जटिल अवस्था भएका बिरामीले पनि नि:शुल्क सेवा पाएका छन् ।
जिल्लाका ४ वटा स्थानीय तहमा संचालन गरिएको आँखा जाँच शिविरबाट पहिचान भएका मोतियाविन्दुका बिरामी सहित अन्य बिरामीले समेत शिविरबाट सेवा लिन सक्ने राप्ती आँखा अस्पतालका बाह्य कार्यक्रम संयाेजक सालीक राम गाैतमले जानकारी दिनुभयो भयो ।
त्यस्तै नेत्र रोग विशेषज्ञ डा. सुरेश रसालीका अनुसार पछिल्लो समय आँखाका विरामीहरुमा मोतियाबिन्दुको समस्या बढी भएको र त्यसले निम्त्याउने जटिलतामा पनि कमि नआएको जानकारी दिनु भयो ।
नेपाल नेत्र ज्योति संघ एकिकृत आँखा तथा कान कार्यक्रम कर्णाली प्रदेश सुर्खेतको आर्थिक, राप्ती आँखा अस्पताल तुलसिपुर दाङको प्राविधिक सहयोग र मुसिकोट नगरपालिकाको स्थानीय व्यवस्थापनमा आँखा उपचार केन्द्र सल्लेले शिविरको आयोजना गरेको हो । शिविर शुक्रबार सम्म संंचालन हुने छ ।