सुर्खेत। सुर्खेतको वीरेन्द्रनगरमा रहेको सिटी हलमा भोली जाजरकोट भुकम्पबाट प्रभावित क्षेत्रका महिलाहरुको सहयोगार्थ सांगीतिक साँझ हुदै छ । भोली साँझ हुने सांगीतिक कार्यक्रमको श्री ज्योती फाउन्डेसनले आयोजना गरेको छ, उक्त कार्यक्रमको तयारी पनि पुरा भएको आज पत्रकार सम्मेलन मार्फत जानकारी गराईएको छ ।कार्यक्रममा कलाकार तिलक सिंह पेला, शिशिर योगी र राज सिग्देल लगायतका अन्य कलाकारले प्रस्तुति गर्ने उक्त फाउन्डेसनले जनाएको छ । सांगीतिक साझमा दर्शकका लागि एक हजार र दुई हजारको टिकट वितरण गरिरहेको छ ।
भूकम्प प्रभावित महिला र बालबालिकाको पुनर्स्थापना र गुणस्तरीय शिक्षा प्रदान गर्न सहयोग पुग्ने अपेक्षा गरिएको फाउण्डेशनका अध्यक्ष ज्योती कटुवालले जानकारी दिएईन् । कार्यक्रम मार्फत कम्तीमा लक्ष्य १५ लाख सहयोग रकम जुट्ने अनुमान गरिएको छ । यसमध्ये आन्तरिक खर्च कम्तीमा ५ लाख अनुमान गरिएको छ ।
