जुम्ला : जुम्लाको कनकासुन्दरी गाउँपालिका वडा नम्बर ५ लुड्कुका गगन बहादुर बुढाको पसलमा गए राती आगजनी भएको छ ।
गाउँ नजिकैको जग्गामा चार कोठे काठको टहरामा बिगत केही बर्ष देखि बुढाका परिवारले पसल,होटल व्यवसाय गर्दै आएका थिए । आगजनीले पसलमा राखेको क १ प १६८१ नम्बरको २ सय २० सिसिको पल्सर बाइक पुण रुपमा जलेर नस्ट भएको छ भने अन्य १५ लाख बढिको सामान क्षति भएको बुढाले जानकारी दिएका छन् ।
जिल्ला प्रहरी कार्यालय जुम्लाका सूचना अधिकारी उमेस बहादुर चनका अनुसार अहिले सम्म के -कसरी, कसले, किन आगलागी भयो, गर्यो भन्ने कुरा थाहा नभएको र त्यसमा प्रहरीले अनुसन्धान गरिरहेको बताएका छन् ।