हिजो निर्मला, आज सम्झना, भोली हजुरको कोही….? भन्दै समाजमा हुने बलत्कारजस्तो जगन्य अपराधिक घटनाका कारण अबोध किशोरीहरुले अकालमा ज्यान गुमाउन परेकोप्रति किशोरीहरुले सम्बन्धित निकायको ध्यानाकर्षण गराएका छन् ।
पैंसा र पावरको आडमा बलत्कार जस्ता अपराधिक घटनामा पीडितले न्याय नपाउने र पीडक उम्काउने प्रयास हुदै आएको किशोरीहरुको दावी छ । ‘बलत्कारी विरुद्ध हामीले सुरुवातमा शान्तीपूर्ण तरिकाले विरोध गरेका हौं । पछि सम्बन्धित निकाय पुगेर ज्ञापन पत्र पनि बुझाउँछौ’ किशोरी दिपा आचार्यले भनिन्, ‘बलत्कारी विरुद्ध भएका नियम कानुन पनि कडाइका साथ लागु गरिदैनन् । समाजमा घटना बढ्दैछन् । सरकार कानमा तेल हालेर सुत्छ । आज अर्कालाई विगार्नेहरु भोली आफैलाई बिगार्न आउँछन् भन्ने हेक्का राखौ । किशोरीलाई बलत्कार होइन रक्षा गरौं ।’
साथै किशोरीहरुले सामाजिक सञ्जालमा पनि विरोध जनाउँदै आएका छन् । किशोरीहरुको समुह एस डब्ल्यू आर आरको आयोजनामा भएको शान्तीपूर्ण विरोध कार्यक्रममा सुर्खेतका किशोर तथा यूवाहरु पनि सहभागी थिए ।
मोटेग्यांक नेपाल र परिवर्तन समुह लाटीकोलीको समन्वय तथा एल एन डी सर्जिकल, जीवन विज्ञान, कैची ग्यांक, बीएफ डीएम, नेपाली रैबार डटकम, आर्युस क्रेसन, लियो क्लब अफ सुर्खेत भैरबस्थान र तनाब छ जिन्दगीको सपोर्टमा विरोध कार्यक्रम सम्पन्न भएको हो ।
