सुर्खेत: कर्णाली प्रदेशका नवनियुत्त सामाजिक विकास मन्त्री टेकराज पछाईले पदभार ग्रहण गर्दै पहिलो निणर्य कर्णाली प्रदेश जनस्वास्थ्य प्रयोगशाला लाई थप उपकरण सहित सेवा विस्तारमा गर्ने बताएका छन् ।
बुधवार शपथ ग्रहण लगतै मन्त्रालयको कार्यभार समालेका मन्त्री पछाईले यो निर्णय गरेका हुन । साथै कर्णाली प्रदेश स्वास्थ्य सूचकांकमा कम्जोर अबस्था देखिएको हुदा यहाँका नागरीक अझै पनि उपचार गर्न नेपालगंज, काठमाण्डौ लगाएतका बाहिरी सहरमा जानुपर्ने बाध्यतालाई न्युन गर्न स्वास्थ्य क्षेत्रलाई सुधार गरी गुणस्तरीय स्वास्थ्य सेवा प्रधान गर्ने प्रमुख प्राथमिकता रहेको बताए । कर्णालीका ग्रामिण भेगका जनताहरु अझै पनि सामान्य उपचारका लागि सहजै सेवा पाउन बाट बञ्चित रहेको अवस्थामा अब हरेक गाउँमा सहजै स्वास्थ्य उपचार सेवा पाउने बनाउनुनै आफ्नो योजना रहेको समेत बताए ।